Til ungrar stúlku

Sæl er hver sú af sönnu gyðju yndi,

er setjast má hjá þér, nálgast fegurð þína,

horfa svo á þig, hlýða á vara þinna

unaðsfull orðin.

 

Hljómfagur seiðir hlátur þinn og laðar,

af hjartslætti mínum þrútnar brjóst og titrar.

Er fegurð þín áfeng auga mínu birtist

má eg ei mæla.

 

Tungan er löm sem brostin ör á boga

um blóð mitt fer heitur logi sjafnargirndar.

Augu mín dimmir, eyrun brimskafl heyra

steyta á ströndu.

 

Hitna og svitna eg öll af brími ástar,

armurinn titrar, bliknar hörunds litur,

líkamann máttur flýr, sem feigðar vigur

hníti við hjarta.

Höfundur: Saffó(6. öld f.k.) Gísli Jónsson þýddi.

Glataðar ástir

Elskuhugar allra tíma !

Sameinumst !

Tökum rútuna suður í Hjallahraun

og kaupum okkur nýja dragnót hjá Netagerð Jóns Holbergs

til að fanga okkar glötuðu ástir.

Vonlausi skipstjórinn

Ó þú fagri vestfizki þorskur

því hefur þú yfirgefið mig

æpti vonlausi dragnótar skipstjórinn

líkt og kristur á krossinum forðum

er hann hafði búmmað í tíunda sinn

Þrjár komma fimm sjómílur vestur af Deild.

Þingnefnd fjallaði um ástandsskýrslu Hafró

Siðvendi

Er lífið ekki vonlaust

orgaði miðaldra siðvanda

prestmaddaman um leið og hún

setti á hann handjárnin

og startaði 12“ Helesens

long læf víbratornum sínum

sem sjálfur ekki-biskupinn

yfir Íslandi

hafði pantað upp úr

pöntunnarlistanum Ottó

frá fyrrum þriðja

ríki Adolfs Hitlers.

Titrarasmokkur veldur deilum á Indlandi

Stúlkan

 

Ég sá þig um nótt

þú stóðst í flæðarmáli

niður undir sjávarhömrum

á ströndinni vestan við þorpið

sem kúrir undir fjallshlíðinni.

Yfir firðinum hvíldi

ásýnd sakleysis og feginleika

líkt og þorpið og íbúarnir

svæfu svefni eilífðarinnar

í óravídd alheimsins.

Árþúsundin urðu sem andartak.

Það stytti upp í huga mínum.

Æviskeið mitt þaut hjá

líkt og eldingu hefði lostið í sálu mína.

Fótspor þín voru mörkuð í sandinn

sem breytti um legu

frá fótspori til spors

með stórkostlegum tilbriggðum.

Mynd þín var því lík

sem værir þú af öðrum heimi

að öll hugsun mín

vék fyrir ásjónu þinni

líkt og sandkorn

í stormi hafsins.

Líf mitt og tilvera stoppuðu

sem væri ég skip

er steytir á skeri.

Ég fann brimskafl skella

á ströndu lífs míns

og allt varð svart

í fáránleika tilverunnar.

Einar Már er okkar lang bezti nú lifandi rithöfundur

"væri ég

bilað sjónvarp

mundi ég örugglega

valda frekari truflunum

í lífi ykkar"

 

Höf; Einar Már Guðmundsson.

Ljóðabók Einars Más fær góða dóma

Á milli vina

"Hvenær tókstu eftir því að konan þín væri svona hræðilega ranglát og eigingjörn ?"

"Á brúðkaupsdaginn okkar."

"Á brúðkaupsdaginn ! Hvað gerðist þá ?"

"Hún leyfði mér ekki að vera með á brúðkaupsmyndinni."

Sjómaður dáða drengur

Voðalegur gjörningur hjá gæslunni að vera að eltast við saklausa trillukarla sem hafa ekkert af sér gert annað en að reyna að bjarga sér og fjölskyldum sínum.

Það hefur löngum þótt glæpur í íslenzku samfélagi að veiða fisk í soðið til að menn geti brauðfætt og klætt börnin sín, eða allt frá tímum bóndans í Rein.

Hefur þó verið tekið mun þyngra á slíkum stórglæpum hin síðari ár eftir upptöku svo kallaðra kvótalaga.

Nú ber svo við á sama tíma og okkar smæstu bræður ert gripnir með öngla NW af Deild, þá skófla skip Samherja hf, og fleiri arðráns fyrirtækja í sig bolfiski og seiðum SA af landinu með flottrollum og sigla óáreittir og glaðir í sinni til hafnar.

Ekki að undra að menn séu glaðir og stoltir yfir framleiðslu á fiskimjöli og lýsi fyrir hænsnfugla og svín í útlöndum.

Jú, svínin og hænsnin í útlöndum verður að brauðfæða, en börnin okkar sjómanna á Vestfjörðum og víðar geta étið það sem úti frýs.

 

Staðnir að ólöglegum veiðum

Á milli eldri hjóna

Hún: "Ég var að koma frá fegurðarsérfræðingi."

Hann: "Jæja, og var hann eitthvað utan við sig í dag ?"

Ódýr andlitslyfting

"Hvað kostar að fara í andlitslyftingu hjá þér, læknir ?"

"Tvö hundruð og fimmtíu þúsund krónur."

"Tvö hundruð og fimmtíu þúsund krónur. Það er hreinasta rán. Er virkilega ekki til einhver ódýrari lausn ?"

"Jú, þú gætir til dæmis reynt að ganga með slæðu fyrir andlitinu."