Verðlagsstofa skiptaverðs er vandamálið

Meðalverð : Slægður þorskur m/haus

í janúar 2009 til október 2009.

	Selt beint til fiskverkenda		Selt á innlendum mörkuðum		Vegið meðalverð
	verð (kr)	tonn	verð (kr)	tonn
jan. 2009	246,12	6.465	279,84	1.260	251,62
feb. 2009	217,91	7.915	228,35	1.652	219,71
mar. 2009	192,04	11.912	196,85	2.651	192,91
apr. 2009	159,56	6.578	200,71	1.555	167,42
maí. 2009	158,90	5.476	200,09	1.041	165,48
jún. 2009	157,42	3.973	231,93	706	168,67
júl. 2009	158,19	2.437	230,93	506	170,70
ágú. 2009	157,09	2.838	238,85	443	168,14
sep. 2009	166,67	6.096	306,26	616	179,48
okt. 2009	189,42	6.862	333,14	542	199,93
Meðalverð og magn	186,55	60.553	230,38	10.972	193,27

Meðalverð : Óslægður þorskur

í janúar 2009 til október 2009

 

	Selt beint til fiskverkenda		Selt á innlendum mörkuðum		Vegið meðalverð
	verð (kr)	tonn	verð (kr)	tonn
jan. 2009	217,92	2.836	226,95	1.796	221,42
feb. 2009	195,78	2.875	189,73	1.542	193,67
mar. 2009	169,50	2.429	166,51	1.056	168,59
apr. 2009	170,55	2.099	184,68	1.396	176,19
maí. 2009	170,77	2.352	197,84	1.722	182,21
jún. 2009	171,38	2.533	228,86	1.643	193,99
júl. 2009	181,85	1.729	246,63	1.543	212,40
ágú. 2009	182,35	1.323	222,38	1.870	205,80
sep. 2009	190,10	1.461	303,12	1.556	248,37
okt. 2009	208,27	1.369	323,94	1.404	266,84
Meðalverð og magn	185,89	21.005	230,12	15.529	204,69

Fiskurinn dreginn landshorna á milli

Strandir

 

Gerður Kristný rithöfundur hlaut Ljóðstaf Jóns úr Vör fyrir ljóð sitt „Strandir“ í árlegri ljóðasamkeppni lista- og menningarráðs Kópavogs.

Verðlaunaafhendingin fór fram við hátíðlega athöfn í Salnum að kvöldi afmælisdags Jóns úr Vör, 21. janúar 2010.

Strandir.

Að vetri

er aðeins fært

hugleiðina

Sængurhvít sveitin

breiðir úr sér

innan við augnlokin

Bjarndýr snuddar í snjó

nær síðasta jaka

til baka

Auðsveipar undirlægjur og þrælar

Það vekur furðu mína að lesa þessa sameiginlegu ályktun Snæfellinga.

Það er greinilegt að þrælsótinn er að drepa trillukarla á Nesinu.

Þykir sjómönnum á Arnarstapa í Ólasfsvík, Rifi, Grundarfirði og Stykkishólmi svona ljúft og skyllt að beygja sig undir útgerðarauðvaldið og LÍÚ með því að ástunda þann skepnuskap að leigja kvóta fyrir bróðurpartinn af allri innkomu ?

Nær væri að menn fögnuðu fyrningarleiðinni innilega með von um að geta brotið af sér þrælahlekkina og orðið frjálsir menn að nýju með leigu á aflaheimildum frá þjóðinni á sanngjörnum verðum.

Vara við hugmyndum um fyrningu

Forn merking orðsins er ráð yfir landi eða stjórn

Í Heimskringlu segir meðal annars:

"Gunnhildur móðir þeirra hafði mjög landráð með þeim" og er þar átt við að Gunnhildur konungamóðir hafi farið með stjórn ásamt sonum sínum.

Í sömu heimild er einnig að finna vísi að þeirri merkingu sem við notum orðið í núna. Í Heimskringu eru Svíakonungi eignuð þessi orð:

Hann svarar þunglega um sættina en veitti jarli átölur þungar og stórar um dirfð þá er hann hafði gert grið og frið við hinn digra mann og lagt við hann vináttu, taldi hann sannan að landráðum við sig, kvað það maklegt að Rögnvaldur væri rekinn úr ríkinu.

Nota á hugtakið landráð varlega

Látið loðnuna í friði

Hætta ætti loðnuveiðum við landiðí eitt skipti fyrir öll og banna allar veiðar með flottrolli í lögsögu Íslands.

Flottrollið veldur gríðarlegum skaða á öllum fiskistofnum beint og óbeint. Smug fiska í gegnum flottroll skilur eftir sig 10-15 fallt af dauðum fiski í sjónum umfram það sem skipin koma með að landi.

Flottrollið splundrar göngu fiskitorfa og ruglar göngumynstur þeirra.

Loðnan er undirstaða alls lífríki sjávar við ísland. Ef loðnan er drepin hrynja margir fiskistofnar eins og við höfum illilega orðið vitni af.

Nærtækasta dæmið er léleg nýliðun þorsks, hrun hörpudisksstofnsins, hrun rækjustofnanna og margt fleira.

Baráttan um ætið bitnar síðan með ógnarþunga á öllum sjófugl við Ísland sem að endingu rústar tegundunum.

Baráttan um ætið á ekki að standa á milli gráðugra grútapramma-útgerða og alls lífríki sjávar við Ísland heldur á milli tegundanna.

Stjórnvöld verða að grípa strax til aðgerða og stöðva loðnuveiðar í eitt skipti fyrir öll.

Fundu loðnu við Austurland

Grátkór þjófanna er réttlaus

Ef þjófar kaupa og selja þýfi sín í millum, er það áfram þýfi og þeir eru áfram þjófar.

Þannig er með kvótann og kvótagreifana.

Þjóðin á auðlindina, sem þeir þykjast hafa keypt hver af öðrum eða af sjálfum sér.

Til dæmis með kennitöluskiptum og með hjálp bankanna.

Þjóðin á auðlindina, sem þeir hafa veðsett upp í topp með hjálp bankanna.

Glæpurinn rýrnar ekki, þótt nýjar kennitölur séu komnar í stað gamalla.

Lög segja, að þjóðin eigi auðlindina.

Breytist ekki, þótt tugir manna gerist stórþjófar í kvótafyrirtækjum og bönkum með veðsetningu á eigum annarra.

Grátkór þjófanna er réttlaus.

Færsla fengin á: www.jonas.is, takk Jónas fyrir lánið.

Þess krafist að stjórnvöld falli frá fyrningarleið

Hafísfréttir frá 1881

Árið 1881 lagði ísa norðan að öllu landinu á svæinu frá Látrabjargi, norður, austur og suður að Eyrarbakka.

Hafísinn hafði komið upp undir Norðurland í lok nóvembermánaðar árinu áður, og varð um jólin landfstur við Vestfirði norðan til og við Strandir, rak þar inn á hvern fjörð og voru hafþök fyrir utan.

Í fyrstu viku í janúarmánuði lónaði hafísinn frá fyrir norðan og rak út hroðann af Eyjafirði og öðrum fjörðum.

Að kvöldi hins 9. janúar sneri við blaðinu og gerði ofsa-lega norðanhríð um allt Norðurland og Vestfjörðu, en minna varð af því syðra og eystra; illviðri með hörkufrostum hjeldust fram í miðjan febrúar.

Með hríðum þessum rak hafísinn að landi og fylti firði og víkur og fraus víða saman við lagnaðarísa í eina hellu, því þá voru hin grimmustu frost.

Í lok janúarmánaðar var Eyjafjörður allur lagður út undir Hrísey og mátti aka og ríða eftir honum endilöngum; ísinn var síðar mældur á Akureyrarhöfn og var nærri þriggja álna þykkur.

Hafís kominn að Hornbjargi

Flóki Vilgerðarson

Norðmaðurinn Flóki Vilgerðarson, oftast nefndur Hrafna-Flóki, kom að landi í Vatnsfirði á Barðaströnd að talið er árið 860 og voru í fylgd með honum tveir norskir bændur er nefndir voru Þórólfur og Herjólfur.

Flóki gekk upp á fjall eitt í Vatnsfirði og sá þá ofan í annan fjörð, líklega Arnarfjörð, og var hann fullur af hafís.

Landnáma segir að eftir þetta hafi Hrafna-Flóki og menn hans nefnt landið Ísland.

Hrafna-Flóki hafði litlar mætur á landinu. Í Landnámu segir að hann hafi siglt aftur til Noregs með mönnum sínum.

Og er menn spurðu af landinu, þá lét Flóki illa yfir, en Herjólfur sagði kost og löst af landinu, en Þórólfur kvað drjúpa smjör af hverju strái á landinu, því er þeir höfðu fundið; því var hann kallaður Þórólfur smjör.

Samkvæmt Landnámu voru það því Hrafna-Flóki, Þórólfur og Herjólfur sem nefndu landið fyrst Ísland.

Ísland bar nafn með rentu á „litlu ísöld“

Allan fisk á markað 1. september 2010

visir.is, dags 13. janúar 2008.

Þingmenn Vinstri grænna ítreka kröfu um heildarendurskoðun á stjórn fiskveiða og fagna niðurstöðu Mannréttindanefndar SÞ um að "grunnforsendur sem íslenska kvótakerfið byggir á standist ekki."

VG segir í ályktun, að ekki þurfi að fara mörgum orðum um að markmið núverandi laga um stjórn fiskveiða hafi ekki náðst og reyndar hafi lögin aldrei verið fjær markmiðum sínum en einmitt nú.

Atli Gíslason, þingmaður VG, segir að markmið núgildandi laga um stjórn fiskveiða hafi verið að vernda fiskistofnana og stuðla að hagkvæmri nýtingu þeirra.

Lögin hafi átt að treysta atvinnu og efla byggð í landinu. Þingmenn VG lögðu í fyrra fram frumvarp til laga þess efnis að þegar í stað yrði hafin heildarendurskoðun á lögum um stjórn fiskveiða og að ný heildarlög tækju gildi 1. september 2010. "Þar er um algjöra umpólun að ræða á kerfinu", segir Atli.

Hann segir að kvótakerfið hafi leitt til óeðlilegs eignarhalds. Tilvitnun lýkur.

Krafan er: ALLAN FISk Á MARKAÐ.

Selja fisk fyrir 22 milljarða

Mikið hagsmunamál fyrir íslenzka þjóð

Hætta ætti loðnuveiðum við landiðí eitt skipti fyrir öll og banna allar veiðar með flottrolli.

Flottrollið veldur gríðarlegum skaða á öllum fiskistofnum beint og óbeint. Smug fiska í gegnum flottroll skilur eftir sig 10-15 fallt af dauðum fiski í sjónum umfram það sem skipin koma með að landi.

Flottrollið splundrar göngu fiskitorfa og ruglar göngumynstur þeirra.

Loðnan er undirstaða alls lífríki sjávar við ísland. Ef loðnan er drepin hrynja margir fiskistofnar eins og við höfum illilega orðið vitni af.

Nærtækasta dæmið er léleg nýliðun þorsks, hrun hörpudisksstofnsins, hrun rækjustofnanna og margt fleira.

Baráttan um ætið bitnar síðan með ógnarþunga á öllum sjófugl við Ísland sem að endingu rústar tegundunum.

Baráttan um ætið á ekki að standa á milli gráðugra grútapramma-útgerða og alls lífríki sjávar við Ísland heldur á milli tegundana.

Stjórnvöld verða að grípa strax til aðgerða.

Hrygningarstofn loðnu 355 þúsund tonn