Barnaníðingar

Niðurstöður sýna að dæmigerður brotamaður af þessu tagi er ekki til. Margar tegundir þekkjast og gerendur eru alls ekki alltaf fórnarlömb kynferðisofbeldis. Þó hafa rannsóknir sýnt að þeir sem hafa orðið uppvísir að kynferðisbrotum gegn börnum hafa í ríkari mæli verið misnotaðir í æsku en gerendur í nauðgunarmálum (Bolen, 2001).

Einnig sýna rannsóknir að þegar kemur fram á fullorðinsár eiga þolendur kynferðislegs ofbeldis í æsku yfirleitt í meiri erfiðleikum með náin tengsl við maka en þeir sem ekki hafa orðið fyrir slíkri reynslu (Thio, 2004).

Rannsóknir í Bandaríkjunum sýna að allt að 19 prósent kvenna segjast hafa orðið þolendur kynferðisofbeldis í æsku og um 8 prósent drengja (Finkelhor, 1990). Þetta eru háar tölur og sýna að vandinn er víðtækur. Yfirleitt þekkja þolendur gerandann og sjaldan þarf að beita líkamlegu afli til að fremja verknaðinn. Heimildir; vísindavefurinn:

Ummæli Sarkozys um barnaníðinga valda uppnámi

Kjöldraga dýrið

Hann heldur að hann sleppi svona auðveldlega. Kjöldraga ætti prófessorinn fyrir tiltækið, langsum og þversum. Láta hann síðan ganga plankann.

Mikil viðbrögð við grein háskólaprófessors um sprengjuárás á Ísland

Fjölkvæni

Í öðrum kafla hjúskaparlaga nr. 31/1993 eru skilyrði fyrir hjónavígslu rakin í 6 greinum þar sem kveðið er á um aldur hjónaefna, hvort hjónaefni sé lögræðissvipt, skyldleika hjónaefna, ættleiðingu, fjárskipti milli hjónaefnis og fyrri maka og að lokum um fjölkvæni.

Í 11. grein laganna segir: „Eigi má vígja mann sem er í hjúskap.“ Gilda þessi skilyrði gagnvart öllum þegnum samfélagsins, óháð því í hvaða söfnuði viðkomandi er og hvort hann er skráður í þjóðkirkjuna eða ekki. Gildi ákvæðisins er einnig jafnt hvort sem það er sýslumaður eða prestur sem gefur hjónaefnin saman.

Fjölkvæni er ekkert spaug

Einn góður af barnum

Ómar var á bar og sat að sumbli. Þegar hann var búinn að fá nóg og ætlaði að standa upp af barstólnum datt hann beint á andlitið. Hann reyndi að standa upp, en datt aftur. Þá skreið hann út að hurð. Þar reyndi hann að standa upp og aftur datt hann. Hann skreið út og ákvað að skríða þessa 600 metra heim til sín.

Þar reyndi hann enn eina ferðina að standa upp og enn sama sagan hann datt. Hann skreið upp stigana og skreið svo upp í svefnherbergi og datt beint á andlitið í hjónarúmið og sofnaði. Morguninn eftir vaknaði hann við að konan hans öskraði: „Ómar varst á fylliríi eina ferðina enn." Já, sagði hann. „Þeir voru að hringja frá barnum, þú gleymdir hjólastólnum aftur."

Geimferðalangur kominn til alþjóðlegu geimstöðvarinnar

Afkomandi Jóns Hreggviðssonar

.....í beinan karllegg staðin að því að hnupla fiski í soðið. Jahaá ! Epplið fellur sjaldnast langt frá eikinni og ber að taka á þrjótnum með viðeigandi hætti og stinga honum í þrælakistuna á Bessastöðum. Það er óþolandi hvað þessir snæris og skreiðar þjófar hafa alla tíð verið óforskammaðir. Þessu verður að bregðast við nú þegar, því ekki þolir okkar yndislega kvótakerfi slíkan smánarblett.

Bátur staðinn að meintum ólöglegum veiðum í Faxaflóa

Grágæs

Grágæsir verpa á láglendi um allt Ísland og er algengasta gæsategundin hér. 1992-1993 fór fram í Skotlandi talning á grágæsum, en þar hefur meirihluti íslenska varpstofnsins vetursetu. Reyndust fuglarnir vera um 80.000 talsins. Heldur virðist stofninn hafa minnkað síðan, kannski vegna mikillar veiði. Til Íslands koma grágæsir um mánaðamótin mars-apríl, mest þó seinni hluta apríl. Þá byrjar varpið sem stendur yfir fram eftir maí.

Grágæsir verpa 4-6 eggjum. Þær hverfa svo flestar til vetrarstöðvanna seinni hluta október. 500-600 fuglar dvelja þó hér yfir vetrarmánuðina einkum suðvestanlands, á Tjörninni í Reykjavík og víðar. Grágæsir lifa á jurtum, bæði villtum og ræktuðum. Þær sækja mjög á ræktað land, einkum á haustin, og margir bændur telja sig verða fyrir skaða af þeirra völdum. Mikið er veitt af grágæs og hefur ásókn í grágæsastofninn stöðugt aukist enda þykir hún veislumatur.

Heimild; Íslandsvefurinn.

Grágæsin SLN komin á varpstöðvarnar

Öfugmæli

1. Áliktun; Festa ber núverandi kerfi við stjórn fiskveiða enn frekar í sessi.

2. Ástæðan; Vegna frábærs árángurs undanfarina ára hefur kerfið sannað ágæti sitt.

Athugasemd

Það getur ekki verið að mönnum sé alvara ! Hver skrifaði þetta inn í drög að áliktunum fyrir landsfund Sjálfstæðisflokksins ?

Ekki neinn með fullu viti, svo mikið er víst. Það er eins og að vitstola einstaklingar eða hópar hafi troðið þessari vitleysu inn í drögin, og er svo sem vitað hverjir þeir helst eru.

Sjálfstæðisflokkur stefnir að frekari skattalækkunum

Heilræðavísur Hallgríms Péturssonar

Ungum er það allra best
að óttast Guð, sinn herra,
þeim mun viskan veitast mest
og virðing aldrei þverra.

Hafðu hvorki háð né spott,
hugsa um ræðu mína,
elska Guð og gerðu gott,
geym vel æru þína.

Foreldrum þínum þéna af dyggð,
það má gæfu veita,
varast þeim að veita styggð,
viljirðu gott barn heita.

Hugsa um það helst og fremst,
sem heiðurinn má næra;
aldrei sá til æru kemst.
sem ekkert gott vill læra.

Lærður er í lyndi glaður,
lof ber hann hjá þjóðum,
hinn er ei nema hálfur maður,
sem hafnar siðum góðum.

Oft er sá í orðum nýtur,
sem iðkar menntun kæra,
en þursinn heimskur þegja hlýtur,
sem þrjóskast við að læra.

Vertu dyggur, trúr og tryggur,
tungu geymdu þína,
við engan styggur né í orðum hryggur,
athuga ræðu mína.

Lítillátur, ljúfur og kátur ,
leik þér ei úr máta;
varast spjátur, hæðni, hlátur,
heimskir menn sig státa.

Víst ávallt þeim vana halt:
Vinna, lesa, iðja;
umfram allt þó ætíð skalt
elska Guð og biðja.

Hallgrímur Pétursson
1614-1674

Heiðra skaltu föður þinn og móður viljirðu ná langt í starfi

Hæsti skattgreiðandi í fyrra - gjaldþrota í ár

Umboðs- og heildsali nokkur, er var hæsti skattgreiðandi allra einstaklinga á skattskrá Reykjavíkur í fyrra, hefur nú verið úrskurðaður gjaldþrota. Þetta eru mikil ummskipti og snögg. Helztu skattar þessa manns í fyrra voru: tekjuskattur 127 þús. kr., stríðsgróðaskattur 311 þús. kr. og útsvar 50 þús. kr. Skattar námu alls rúmlega hálfri milljón. Nú hefur maðurinn verið úrskurðaður gjaldþrota í miðri stríðsgróðaveltunni.

Anno; 30. janúar 1943. 

Úlfahjarðir Íraks og nazista

Þann 3. september 1939, tæpum 10 klst, eftir að Neville Chamberlain, forætisráðherra Breta, tilkynnti að styrjöld væri hafin, sökkti þýzki kafbáturinn U-30 (kapt; Fritz-Julius Lemp) breska farþegaskipinu S.S Athenia. Af 1400 farþegum, sem margir hverjir voru að flýja styrjöldina í Evrópu, fórust 112, og meðal þeirra voru 28 Bandaríkjamenn.

Kafbátarnir voru búnir bæði fall- og vélbyssum en hættulegustu vopnin voru tundurskeytin sem hægt var að skjóta úr launsátri. Stundum brugðust tundurskeytin, sérstaklega í fyrri hluta stríðsins en þá voru mörg skeyti gölluð og hittu ekki skotmarkið. Kafbátaforingjarnir brugðu því oft á það ráð að ráðast á skip ofansjávar með fallbyssunum. Þessari árásartækni beittu þeir sérstaklega ef þeir hugðust sökkva litlum fiskiskipum.

Kafbátahernaður Þjóðverja var áhrifaríkastur þegar þeir söfnuðust saman í svokallaðar úlfahjarðir (e. wolfpack) og réðust á skipalestir. Undir stjórn reyndra og sókndjarfra kafbátaforingja eins og Erichs Topps og Ottos Kretschmers gátu úlfahjarðirnar tætt í sundur varnir skipalestanna.

Sjálfsmorðsárásir þær sem stundaðar eru hvað grimmast í Írak í dag minna um margt á kafbátahernað Þjóðverja að því leitinu að nær ógerningur virðist vera að verjast þeim og fórnarlömbin oftast óbreyttir borgarar.

Páfi segir ekkert jákvætt gerast í Írak