Vonandi er Magnús sannspár

Ég og margir fleiri vorum orðin ansi langeyg eftir því að Frjálslyndiflokkurinn kæmist upp úr hjólförunum. En nú virðist það vera að gerast enda menn lokks farnir að tala um það sem skiptir mestu máli og Frjálslyndiflokkurinn var stofnaður um. Sjávarútvegsmálin verða að vera í farabroddi umræðunar fram að kosningum enda mun fliokknum þá vegna vel og fella ríkistjórnina. Draugur Sverris Hermannssonar hefur endanlega verið særður í sína fúlu gröf og stórum steini velt yfir djöfsa. Vonandi að dýrið láti ekki meira á sér kræla.

Magnús Þór: Erum lykillinn að falli ríkisstjórnarinnar

Kvíði

Helstu líffræðilegu viðbrögð við kvíða eru sviti, roði í andliti, hjartsláttaróregla og -köst, ör andardráttur eða andnauð, vöðvaspenna, óþægindi í kviðarholi, tíð þvaglát, að kyngja munnvatni óvenju oft, verkir og sársauki og einbeitingarskortur.

Kvíði kemur fram í atferli sem skjálfti, titringur, málhelti, stam, hlé milli orða og spurningar sem endurspegla kvíða. Stundarminni skerðist í kvíða, það dregur úr viðbragðsflýti og hæfni til að læra flókið efni. Þegar fólk er kvíðið aukast líkur á að beita gömlum, vel æfðum viðbrögðum sem eiga þó ef til vill ekki við. Þetta er sambærilegt við það sem gerist, þegar akstursskilyrði breytast seint á haustin, frýs skyndilega og verður launhált. Þá eru viðbrögð sem voru rétt að sumarlagi ekki lengur viðeigandi.

Kvíði getur ýmist verið tímabundinn eða langvarandi. Sem dæmi um hinn fyrrnefnda má nefna kvíða fyrir próf eða mikilvæga atburði og hverfur hann þegar álaginu linnir. Langvarandi kvíði er verri viðureignar og getur haft neikvæð áhrif á líf einstaklings vegna þess óöryggis sem honum fylgir. Kvíðnir einstaklingar hafa oft áhyggjur af áliti annarra, eiga erfitt með að taka ákvarðanir, eru nákvæmir, leita eftir fullkomnun, finna til óeirðar og röskunar á svefni, finnst lítið til sín koma og eru sjálfum sér ónógir.

Þótt kvíði geti verið vel fallinn til að koma einstaklingi í viðbragðsstöðu og verjast yfirvofandi ógn telst varla æskilegt að vera almennt kvíðinn eða hræddur.

Kvíði er að jafnaði fylgisfiskur þunglyndis en erfitt er að sýna fram á að hann leiði til þunglyndis.

Heimild; visindavefurinn

Varð lofthræddur á Stórabeltisbrúnni

Eitt dæmið enn um sekt ríkisins gagnvart sjávarþorpunum

Á sínum tíma þegar fiskveiðiauðlindinni var úthlutað til þeirra sem áttu skipin þá var litið viljandi framhjá öllum öðrum íbúum sjávarþorpana og þeim fyrirtækjum og fiskvinnslum sem fyrir voru í þorpunum. Einungis útvegsmenn sem áttu skip fengu réttinn. Kvótinn hefur að miklum hluta verið ráðstafað burtu og eftir sitja allir aðrir með eigur sínar verðlausar eða mjög verðlitlar. Ríkið hefur ekki séð sóma sinn í því að borga fólkinu bætur líkt og orku- og veitufyrirtæki virðast nú vera að gera til landeigenda.

Landeigendur og rétthafar fengu 2,3 milljarða á 5 ára tímabili

Ríkið er þá væntanlega skaðabótaskylt gagnvart sjávarbyggðunum

Nú fer að verða kominn tími á að látið verði reyna á fyrir dómstólum hvort ríkið sé ekki skaðabótaskylt gagnvart fólkinu í sjávarbyggðunum. Vel flest sjávarþorp á Íslandi hafa verið svift frumbyggjarétti sínum til fiskveiða. Réttindum sem ekki má taka af fólki var svift í burtu með lagasetningu frá Alþingi, rétti sem fólkið byggði sinn lífsgrundvöll á og hafði gert í aldir mann fram að manni. Þetta hlýtur að stangast á við stjórnarskrá Íslenzka lýðveldisins.

Ríkið skaðabótaskylt gagnvart rútufyrirtæki

Mikið hafísár

Litlu eftir vertíðarlok urðu frakkneskir hvalveiðimenn að ganga af skipi sínu í ísi fyrir Reykjanesi; 8 skotskum mönnum var bjargað af ísjaka í Vestmannaeyjum, höfðu franskir víkingar rænt þá, flett klæðum og látið þá svo út á ísinn allslausa. Að vestan kom ís fyrir Látrabjarg, en norðanlands mátti ríða og renna fyrir hvern fjörð um vorkrossmessu.

Ísinn gekk sumstaðar upp á land og varð að setja báta lengra upp en vandi var til. Nyrðra sást eigi út yfir ísinn af hæstu fjöllum, syðra sást út fyrir hann og kaupskipin fyrir utan, sem hvergi komust að landi, og eigi varð heldur komist til þeirra, og komust menn í mikla þröng af siglingarleysinu, því flest vantaði, er á þurfti að halda, kornvöru, járn, timbur og veiðarfæri.

Anno; 1695.

 

Hafísinn þokast austar og fjær landi

Bátur staðinn að ólöglegum reykingum undan Vestfjörðum

Ætli það verði næsta málið. Fréttin gæti litið út svona: "Áhöfn Bjarma BA-326, staðinn að ólöglegum reykingum 2,3 sjómílur undan Kópanesi." ´Sjóliðar Landhelgisgæslunnar réðust til uppgöngu í skipið laust fyrir kl, 04:00 í nótt og yfirbuguðu áhöfninna sem sat í stakkageymslu og stromp reykti. Landhelgisgæslan hafði í töluverðan tíma fylgst með ferðum skipsins eftir að sést hafði til skipstjóra skipsins lauma pípustert í sjópoka sinn er látið var úr höfn fyrir skömmu. Ég bara spyr ?

Sömu reglur gilda um reykingar um borð í skipum og á öðrum vinnustöðum

Löngu pöntuð niðurstaða af LÍÚ

Nú er ljóst að eina ferðina enn hefur LÍÚ fengið vilja sínum framgengt. Það vantar meiri veð fyrir bankana og þei vilja veiða meiri loðnu. Niðurstaðan er í samræmi við bestu væntingar.

Stofnvísitala þorsks lækkar um 17% á milli ára

Mál til komið

Í drögum að ályktunum fyrir landsfund Samfylkingarinnar, undir kaflanum "Lifandi lýðræði" grein nr, 4. kemur fram langþráð tillaga um sameiginlegar auðlindir landsins.

Tilv;

" Binda í stjórnarskrá ákvæði um þjóðareign á auðlindum sem tryggi að nýtingarrétti sé aðeins hægt að úthluta tímabundið gegn gjaldi "

Samfylkingin vill stórátak í samgöngumálum

Mikil náð að eiga kærleiksríkan dómara

Þetta er afar mildur dómur í samanburði við dóm Héraðsdóm Vestfjarða sem dæmdi sjómann í 90 daga fangelsi og 1,7 milljón krónur í sekt. Sakarefnið; brottkast á 53 þorskum. Hæstiréttur staðfesti dóminn. Svona er Ísland í dag !

Skilorðsbundið fangelsi fyrir sígarettusmygl

Fyrrum efnilegasti aflamaður landsins

Binni í Gröf 

Benóný Friðriksson, (7. janúar 1904 – 12. maí 1972) betur þekktur sem Binni í Gröf, var landsfrægur aflamaður. Hann fæddist í Vestmannaeyjum og var sonur formannsins Friðriks Benónýssonar og Oddnýjar Benediktsdóttur.

Binni gerðist með afbrigðum góður sjó- og aflamaður, einhver mesti sem við Vestmannaeyjar hefur fiskað. Binni réri fyrstu vertíðar sínar með vélbátnum m/b Nansen og var hann formaður á bátnum í forföllum Jóhanns á Brekku. Árið 1926 var honum boðið að taka formennsku á vélbátnum m/b Gullu. Þar var hann starfandi þrjár vertíðir, síðan tók hann við bátnum Newcastle, og var svo með vélbátana m/b Gottu, m/b Heklu, m/b Gulltopp, e/s Sævar, m/b Þor og m/b Andvara. Eftir það keypti hann skipið m/b Gullborg og varð landsþekktur fyrir formennsku sína á þeim bát.

Binni varð aflakóngur í Vestmannaeyjum árið 1954 og hélt þeim titli samfellt í 6 vertíðir, og fékk titilinn margoft til viðbótar yfir ævina.

Benóný hafði ávallt duglegri skipshöfn að stjórna enda samrýmdist hverskonar seinagangur og stirðleiki ekki skapi skipstjórans.

Binni var sæmdur fálkaorðunni árið 1971 fyrir störf sín. Kona hans var Katrín Sigurðardóttir frá Þinghól í Hvolhreppi og áttu þau saman 8 börn.

Efnilegustu skákmenn landsins á alþjóðlegu skákmóti