En kannast einhver við höfundinn af þessari ?

Eftir hvern er myndin ?

Egill tálgar spýtu

Emil hét strákur sem átti heima í Kattholti í Smálöndum. Hann var svo dæmalaust fríður að hann leit helst út fyrir að vera algert englabarn. En enginn skyldi ímynda sér það því Emil gerði fleiri skammarstrik en dagarnir eru í árinu. En Emil gerði líka margt gott og það má segja honum til hróss að hann gerði aldrei sama skammarstrikið nema einu sinni.

Egill minn er ekki síður fríður og tálgar spýtur þrátt fyrir að hann geri aldrei skammarstrik líkt og pabbi sinn. Hm

Myndir frá tjaldstæðinu í Tálknafirði

Skaust út og tók þessar myndir fyrir Öllu bloggvinkonu mína.

Bjarmi Níelsson

Hér er fóstursonur minn hann Bjarmi Níelsson. Bjarmi er af kyni Newfondland hunda fæddur á Englandi árið 2000. Hann fluttist til Íslands 4. mánaða gamall og dvaldist í 6. vikur í Hrísey í einángrunarbúðum fyrir ferfætlinga og fiðurfé áður en hann fékk að fara til fjölskyldu sinnar að Skógum.

Bjarmi býr á Tálknafirði ásamt eiginkonu sinni, Venusi sem er af sama kyni ásamt fjórum börnum þeirra þeim, Tálkna, Mai, Penilópu og Sætu. Bjarmi er mikill sjóhundur og elskar að synda og busla í sjó, ám og vötnum. Komið hefur fyrir að kappinn syndir svo langt til hafs að hann sést ekki frá landi langtímum saman föður sínum til mikillar hrellingar, en ætíð hefur hann skilað sér til strandar þó seint komi.

Voff voff..............

Ort til Birgittu

Lund þín er hrein sem vorbláminn yfir fjallsins tind

fas þitt létt sem frjókorn í hægri sumargolu

augu þín tindrandi sem ljósbrot á heiðarlind

ásýnd þín er sem fegursta helgi mynd.

Höfundur ljóðs:  naá.

Þeir sem erfa skulu land

Fiskimenn framtíðarinnar ? Nei ég held varla miðað við núverandi kvótakerfi og ofboðslegar skuldir útgerðarinnar, þá get ég ekki ímyndað mér að þessir drengir hafi áhuga á að láta bjóða sér slíka ósvífni og kúgun af hálfu LÍÚ og ríkisvaldsins.

Í þessum föngulega hópi drengja eru tveir af sonum mínum, sá lengst til vinstri er Egill en sá lengst til hægri er Styrmir. Hinir talið frá vinstri eru, Natan Kolbeinsson (afkomandi Gísla Konráðssonar), Gunnar Smári Jóhannsson og Haraldur Jónsson.

Þeir voru að veiða strákarnir á bryggjunni á Tálknafirði áðan í veðurblíðunni. Ég á þá ósk heitasta þeim til handa að þeir verði aldrei fórnarlömb kvótakerfisins með því móti að verða hneptir í ánauð og þrældóm rotnasta fiskveiðistjórnunarkerfis veraldar.

Ísland þúsund ár !

 

Minnisvarði um búsetu og sjósókn á Vestfjörðum

Þessi mynd sem tekin er í Flatey fyrir örfáum dögum segir mér meira en þúsund orð um stöðu Vestfjarða nú eftir 25 ára arðráns og hrottaskap stjórnvalda lýðveldisins Íslands gegn íbúunum.

Ísland þúsund ár !

 

Frelsi

Frelsi – vor eflandi, yngjandi von

sem Ísland skal reisa og skipa því vörð

þú blessar í átthögum son eftir son

Þú signir vorn trúnað á dal vorn og fjörð.

Bliki þíns háa fyrirheits foldir

fjallbláar út yfir brim og moldir.

Helgist þér lýður í lífi og stríði

svo langt sem kennist vor gnoð og hjörð.

 

Höfundur: Einar Benediktsson.

 

Pósthús Flateyjar á Breiðafirði

Líklega er pósthúsið í Flatey hið minnsta og krúttlegasta norðan Alpafjalla.