Auðvitað

....sáu það allir góðir menn hvar viðrinið Finnur Ingólfsson laumaðist með brugðið sverð fyrir aftan Guðna og reyndi að vega hann úr launsátri.

Ég legg til að Finnur Ingólfsson verði hið bráðasta járnaður á höndum og fótum og stungið í þrælakistuna á Bessastöðum.

Ég efast þó um að þeim heiðursmönnum Jóni Hreggviðssyni, Jóni Þeófílussyni og Hólmfasti Guðmundssyni hafi þótt sæmd af slíkum félagsskap.

 

 

Hörðum átökum Guðna og Halldórs lýst í nýrri bók

Drepinn af Nasiztum

Danski presturinn og rithöfundurinn Kaj Munk fæddist árið 1898 en var drepinn af Nasiztum árið 1944. 

Kaj Munk reis upp gegn Nasiztum í seinni heimstyrjöldinni og hafði óbilandi trú og kjark að tala máli sannleika og réttlætis.

Hann barðist harðlega gegn óréttlæti heimsins jafnt úr prédikunarstól í litlu prestakalli og á leiksviði í konunglega leikhúsinu í Kaupmannahöfn, en nokkur leikrita hans voru sett þar upp.

Nasiztum stóð stuggur af Kaj Munk, rödd hans hafði sterk áhrif og snerti við öllum sem til hans heyrðu. Kaj Munk var skotinn í höfuðið og skilinn eftir í vegkanti.

Sonur Kaj Munk brennir eigur hans

KGB og pólon-210

Alexanders Litvinenko, f. 1967,  d. 2006, fyrrverandi njósnari KGB, var líklega drepinn með samsætunni pólon-210. Samsætan hefur 84 róteindir og 126 nifteindir og þess vegna massatöluna 210.

Ef pólons er neytt með mat þá skilar rúmur helmingur þess sér út úr líkamanum með saur. Það sem eftir situr í líkamanum berst inn í blóðrásina og sest fyrir í vefjum líkamans, einkum í milta, lifur og nýrum, en einnig í beinmerg.

Dauðastríð Litvinenko var að sögn afar kvalarfullt og stóð lengi

Eitt ár liðið frá dauða Litvínenkós

Bedúínar

Bedúínar sem eru íbúar eyimerkurinnar (múslimar) sem fylgja grundvallaratriðum islamstrúar skulu fylgja undirstöðunum 5 eða hinum fimm súlum sem eru:

     

1. Aðeins er einn guð og Múhameð er spámaður hans.

2. Biðja fimm sinnum á dag í átt  til Mekka.

3. Þeir sem hafa líkamlega og fjárhagslega getu skulu fara einu sinni á ævinni í pílagrímsferð til Mekka.

4. Gefa tíund til fátækra.

5. Fasta í Ramadanmánuði frá sólarupprás til sólarlags.

Gaddafi vill bedúínatjald í Frakklandi

Hafís

Þykkasti ísinn í hafinu eru borgarísjakar, en þeir eru ekki frosinn sjór heldur einfaldlega jökulís sem hefur runnið í sjó fram. Borgarísjakar geta verið hundruð metra á þykkt og einstaka eru mjög víðfeðmir.

Dæmi um hina síðastnefndu eru svonefndar „íseyjar“ sem brotna endrum og sinnum frá jöklum Suðurskautslandsins og Grænlands eða kanadísku norðureyjanna.

Borgarísjaka rekur oft inn á Íslandsmið og getur þeirra orðið vart á öllum árstímum. Borgarísjakar eru þó ekki hafís í þröngum skilningi þess orðs, þeir eru ekki myndaðir úr frosnum sjó.

Heimild; Veðurstofa Íslands.

Hafís óvenjulega nálægt landi miðað við árstíma

U2

 

U2 er írsk rokkhljómsveit sem stofnuð var 1976 í Dublin. Sveitin hefur verið ein vinsælasta hljómsveit heims allt frá 9. áratug síðustu aldar.

Meðlimir hennar eru Bono (rétt nafn Paul Hewson), Larry Mullen, The Edge (David Howell Evans) og Adam Clayton.

Ásamt því að spila á tónleikum og ferðast um heiminn er hún dugleg við að berjast fyrir mannréttindum og styrkir ýmis konar mannúðarstarf.

Aðdáendur U2 varaðir við því að kaupa tónleikamiða á netinu

Ofhleðsla

Nú er eins og runnin sé upp tími síldaráranna þegar menn hlóðu skip sín svo mikið að lítið sem ekkert borð var fyrir báru. Á mörgum skipum voru hafðar merar á lunningunum til að hægt væri að hlaða enn meir af síld á bátana og í raun mun meira en þau gátu borið.

Enda sukku margir til botns þegar hætti að fljóta. Við þessu ástandi brugðust yfirvöld siglingarmála með því að setja hleðslumerki á skipin og sérstakir eftirlitsmenn fóru um hafnir til að fylgjast með merkjunum og voru skipstjórar umsvifalaust sektaðir ef út af var brugðið.

Mér finnst eins og stýrivextir Seðlabankans virki eins og hleðslumerkin og seðlabankastjórinn eins og hleðslumerkja eftirlitsmaðurinn á síldarárunum.

Ljóst er að síldarmerar á lunnungum sumra fjárfesta eru að kafsigla margan grútarprammann !

Fjárfestar forðist íslensku krónuna

Af hverju ?

Spyr enginn drengina af hverju þeir gerðu þetta sem þeir voru dæmdir fyrir ? Gerði dómarinn það ? Eitthvað hlýtur nú að hafa gengið á áður en ógæfumennirnir ungu framkvæmdu þennan verknað ?

Hvaða lögmaður tók þeirra málsstað og af hverju er dómurinn svona einsleitur eins og raun ber vitni ?

Var drengjunum skipaður lögmaður sem var skít sama um allt nema málsvarnar launin sín ?

Ég er nú bara að heimfæra þetta á sjálfan mig og hvað ég hefði gert ef lögreglan hefði beita mig misrétti !

Sprengdu skoteld í garði lögreglumanns

Aurelia aurita

Líklegast er að marglyttufárið á Norður-Írlandi hafi valdið súrefnisskorti í laxeldiskvíunum en að öðru leiti geta marglyttur verið ban eitraðar en ekki er sennilegt að marglyttan hafi komist inn í kvíarnar í þessu tilviki.  

Til eru mörghundruð tegundir af marglyttum í heimshöfunum. Sumar tegundir verða allt að 2,3 metrar í þvermál.

Ástæðan fyrir því ef lax drepst þegar marglytta snertir hann eru  líffæri á yfirborði dýranna sem nefnast "nematocysts" sem eru  byggð upp af ummynduðum frumum sem nefnast "cnidoblasts".

Nematocyst er prótein-hylki sem er inni í frumunni og opnast út á yfirborð hennar. Í hylkinu er löng snúin slanga með eitruðum oddi. 

Þegar laxinn snertir þessa frumu afskautast hún með þeim afleiðingum að hylkið opnast og oddurinn skýst út og í hold fisksins.

Eitrið sem marglyttur gefa frá sér er mjög misjafnlega skaðlegt. Eitur sumra marglytta getur verið banvænt en eitur annarra veldur aðeins óþægilegum sviða hjá mannfólki og dýrum.

Marglyttur drápu allan eldislaxinn á Norður-Írlandi

Fyrstu veggöngin

Árið 1948 voru fyrstu veggöngin á Íslandi tekin í notkun. Þá var sprengt í gegnum Arnardalshamar sem er 30 metra þykkur berggangur á leiðinni milli Ísafjarðar og Súðavíkur.

Lengstu veggöngin eru Vestfjarðagöng undir Breiðadals- og Botnsheiði milli Skutulsfjarðar (sem Ísafjörður stendur við), Önundarfjarðar og Súgandafjarðar.

Þau eru 9.120 metra löng en ólík öðrum veggöngum á Íslandi að því leyti að þau eru þriggja arma.

Nánar tiltekið þá er Tungudalsleggur (sem liggur frá Skutulsfirði) um 2.000 metra langur, Breiðadalsleggur (sem liggur frá Önundarfirði) er um 4.000 metrar og Botnsdalsleggur (sem liggur frá Súgandafirði) er um 3.000 metrar.

Heimild; Vegagerðin.

 

Framkvæmdir við Héðinsfjarðargöng komnar á gott skrið eftir tafir