Samfélagsleg ábyrgð Samherja hf

Viðskipti | Morgunblaðið | 15.11.2007 |

Mikil viðskipti áttu sér stað með hlutabréf Glitnis og FL Group í gær. Fyrir opnun kauphallar OMX á Íslandi var í tvígang tilkynnt um tæplega 8,2 milljarða viðskipti í Glitni, á genginu 25,5 krónur á hlut, og tæplega 4,2 milljarða króna viðskipti í FL Group, á genginu 22,05 krónur á hlut. 8,2 milljarða króna hlutur í Glitni á áðurnefndu gengi jafngildir um 2,15% af heildarhlutafé félagsins og 4,2 milljarða króna hlutur í FL á genginu 22,05 jafngildir um 2,05% hlut í félaginu.

Þetta má síðan margfalda með tveimur og þá er ljóst að samanlagt 4,3% hlutur í Glitni skipti um eigendur og samanlagt 4,1% hlutur í FL Group.

Engar tilkynningar um þessi viðskipti hafa borist í fréttakerfi kauphallar en samkvæmt heimildum Morgunblaðsins munu nýir hluthafar hafi verið að bætast í hluthafahópa félaganna, innlendir hluthafar.

Mun það vera sjóður á vegum Kaldbaks sem eru meðal þeirra sem komu að viðskiptunum með bréf Glitnis.

Kaldbakur er dótturfélag Samherja og er Þorsteinn Már Baldvinsson því að koma á ný inn í hluthafahóp bankans. Ennfremur herma heimildir Morgunblaðsins að hann sé á meðal þeirra sem keyptu hlutinn í FL Group.

Þorsteinn Már vildi ekki staðfesta að hafa komið nálægt viðskiptunum þegar Morgunblaðið náði tali af honum í gær.

Sjá frétt HÉR

Sjá frétt HÉR

Sjá frétt HÉR

Sjá blogg HÉR

Sjá blogg HÉR

 

Loka í átta vikur í sumar

Makríllinn verði eign "Auðlindasjóðs"

Það er algjörlega óásættanlegt að úthluta kvóta á makríl eftir veiðireynslu þeirra örfáu skipa sem í skjóli einokunar stundað hafa þessar ofbeldisfullu veiðar í skjóli yfirburða sinna sem þeir höfðu með kaupum á rándýrum skipum vegna klíkuskaps við fyrrum eigendur gjaldþrota lánastofnanna.

Úthlutun makrílkvóta þegar þar að kemur ætti skilyrðislaust að lúta almennum leikreglum og allir sitji við sama borð.

Kemur þá til kasta ríkisins að bjóða kvótann út gegn gjaldi í "Auðlindasjóð".

Það væri algjört brjálæði að gefa grútar og brotarjáns prömmum LÍÚ makrílkvótann sem er að verðmæti svipað og allur þorskkvótinn.

Þá væri ekki langt að bíða þess að þeir væru búnir að verðleggja hann og veðsetja upp í rjáfur til áratuga.

Makrílviðræður halda áfram

250 þúsund tonna jafnstöðuafli

Ég held að allir geti verið sammála um að setja ætti 250 þúsund tonna jafnstöðu kvóta á  þorskveiðar í nokkur ár í senn.

Það er alveg klárt hvað svo sem sumir segja. það eru aldrei er veidd færri en 250 þúsund tonn af þorski þó svo að tölur um landaðan afla sýni annað.

Þetta er nú því miður ein skelfilegasta birtingarmynd aflamarkskerfisins sem helgast af lygum og falsi þeirra sem verja kerfið út yfir gröf og dauða.

Sjáið þetta og hættið að efast.

 

Vilja aukinn þorskkvóta

Rekum frystiskipin út úr landhelginni

Það er til sú leið sem er mjög skjótvirk til að leysa vanda allra sjávarbyggða.

Ráðherra sjávarútvegsmála getur með einni reglugerð rekið alla frystitogara út úr landhelginni.

Við þessa aðgerð yrði vandi sjávarbyggðanna leystur til frambúðar.

Ekki þarf að fara langt eftir fordæminu en færeyjingar gerðu þetta 1993 með frábærum árangri.

Dalvíkingar vilja veiða meira

Mikið gæfuspor fyrir íslenzka þjóð

Nú eru allar líkur á að frumvarp sjávarútvegsráðherra verði samþykkt frá Alþingi í dag eftir þriðju umræðu.

 

Gagnrýna umfjöllun LÍÚ

Aukning á aflaheimildum fari til auðlindasjóðs

Það er nauðsynlegt að auka kvóta í öllum tegundum nú þegar í ljósi aðstæðna í þjóðfélaginu.

Öll aukning í kvótum ætti að fara inn í auðlindasjóð en ekki til núverandi handhafa.

Vilja auka þorskaflaheimildir

Krefjast bóta fyrir tilraun til þjóðarmorðs, þjófnað og þrælahald

Mikið eru þau aumkunarverð þessi samtök úng-krimma í þjálfunarbúðum Sjálfstæðisflokksins.

Röksemdir þeirra og svívirðileg heimtufrekja byggir á álíka rökum og nasiztarnir í Þýskalandi hefðu krafist bóta af alþjóðasamfélaginu eftir seinni heimstyrjöldina vegna útlagðs kostnaðar við rekstur á útrýmingabúðum víðsvegar um Evrópu.

 

SUS: Hundruð milljarða bótaskylda skapast

Allan fisk á markað og aðskilnað veiða og vinnslu

Það hlýtur að vera krafa allra hugsandi manna á Íslandi í dag að allur fiskur verði seldur á innlendum fiskmörkuðum.

Það er ekki seinna vænna fyrir stjórnvöld en að setja strax löggjöf um þetta og aðskilja í leiðinni í sömu lagasetningu veiðar og vinnslu.

Einnig er þjóðhaglega mjög nauðsynlegt að setja frystitogaranna út fyrir 300 faðma dýpislínu.

Ef sjávarþorpin og fiskmarkaðinir eiga að lifa þá verður að bregðast við þessu ekki seinna en strax !

Vilja auknar aflaheimildir

Hræðileg örlög skoskra hvalveiðimanna við Ísland 1884

Þessi hörmungarsaga hófst 26. maí 1884 þá hvalfangarinn Chieftain frá Dundee á Skotlandi var statt á hafinu norður af Íslandi og fjórir bátar með fimm mönnum hver lögðu frá skipinu í hvalaleit.  

Um miðjan dag sló yfir mikilli þoku og villtust bátarnir hver frá öðrum og tíndu skipinu. Hvorki matur né vatn var um borð í bátunum og þjáðust skipsverjar fljótt af hungri, vosbúð og kulda þar sem frost var nokkuð næstu dægur.  

Þorsta gátu þeir slökkt lítið eitt með klakastykkjum, sem mynduðust á bátunum, en engan vegin til hlítar.  Á fimmta degi, þá einn bátanna hafði flækst fram og aftur um hafflötinn, lést einn skipverji og var líki hans kastað fyrir borð.  

Skömmu síðar dó annar og voru þá þeir þrír sem eftir lifðu ornir svo trylltir og aðframkomnir af hungri að þeir lögðu sér lík mansins til munns.  Svo dó hinn þriðji og nokkru síðar hinn fjórði.

Lifði þá hinn fimmti í nokkra dag á líkum félaga sinna eða þar til hákarlaskipið Stormur frá Siglunesi fann manninn 11 júní 1884.   

Aðkoma skipverja á Stormi var skelfileg þar sem maðurinn lá meðvitundarlítill og ósjálfbjarga í kjalsogi bátsins innan um beinagrindur og leifar af óétnu mannaholdi.  

Maðurinn var færður um borð í Storm þar sem skipverjar hjúkruðu honum sem best þeir gátu og fluttu inn á Siglufjörð. Þaðan var maðurinn fluttur inn til Akureyrar þar sem læknar á herskipinu Díana tóku á móti honum.   

Að tveimur dögum liðnum var maðurinn aflimaður á báðum fótum ofan kálfa þar sem drep var komið í limina. Þorgrímur Þórðarson, nýútskrifaður læknaskólakandidat frá Reykjavík aðstoðaði herlæknana við aflimunina.

Maður sá er þessar þrautir þurfti að líða var 26 ára og hét James Mackintos. Hann vildi lítið ræða um þessa hrakningadaga og lá honum hver sem vill.  

Af hinum bátunum er það að frétta að einn náði móðurskipinu heill á húfi, annar náði landi á Raufarhöfn 2. júní með fjóra menn alla meira og minna kalda.

Sent var eftir lækni til Húsavíkur þar sem mennirnir voru komnir með skyrbjúg og jafnvel kolbrand. Þriðja bátinn bar að landi við Þistilfjörð.

Á honum voru allir fimm mennirnir lifandi og í þokkalegu ásigkomulagi. Þeir komust með norsku flutningaskipi til Seyðisfjarðar og þaðan til meginlandsins með „Thyra“ 12. júní.   

Af hákarlaskipinu Stormi er það aftur á móti að segja að hann var smíðaður upp og endurgerður af Bjarna Einarssyni, skipasmiði á Akureyri árið 1896.  

Haft var fyrir satt að skipið væri sem nýtt eftir þá endurgerð. Það dugði skammt því að skipið fórst í sinni fyrstu veiðiferð eftir endurgerðina, árið 1897, og með því ellefu manna áhöfn.

Heimild: Norðanfari 27. júní 1884.

Ný samtök um auðlindir í almannaþágu

Stofnuð hafa verið ný samtök til að berjast fyrir að þjóðaratkvæðagreiðsla fari fram um breytingar og afnám núverandi kvótakerfis í fiskveiðum.

Að berjast fyrir að eignarréttur íslensku þjóðarinnar á náttúruauðlindum verði með ótvíræðum hætti skráður í stjórnarskrá lýðveldisins.

Að berjast fyrir réttlátri og sanngjarnri nýtingu þjóðarauðlinda á grundvelli atvinnufrelsis, jafnréttis og mannréttinda.

Við skorum á alla Íslendinga hvar í flokki sem þeir standa að taka höndum saman með okkur í baráttu fyrir því að þjóðin öll njóti réttláts arðs af sameign sinni á Íslandsmiðum og hámarksarðsemi af fiskveiðum á Íslandsmiðum á grundvelli atvinnufrelsis, markaðslausna og jafnréttis.